Georganiseerd door Drumband - Schutterij St.Sebastianus, Naer.
Naer februari 2012,
Beste boere, boerinne, burgers en boeteluuj,
Op dinsdig 21 febrewari is ‘t moment gekomme en waerdj ‘t effe stil
Want den roope wae keihel “Jao ich wil”.
Met oos femielie en gevolg gaon wae ein groeët fieëst haoje
Net zoeë lang toetdet we eier en kerboet gaon braoje,
Bie deze is hieël Naer van herte welkom óm mèt te danse en te fieëste zie aan zie,
Toedet we wae trök gaon nao die Aoje Boerderie
Bie deze zeet gae genuedj
Esther van Herm vanne Kroetperser
en Leny vanne Magere
&
Eric van Piet van Vaezelke
en Lenie vanne Leukeshoof
Cadeautip:
Erwtesoep • zjwartbröëad • kerboet • gekaokdje eier • kippekneuk • huidvleis • maore vlaai • gries mik • plats • krinteböl •
stekbröëad • bräödworst • oetgebakke spek • kieës • riestevlaai zonger slaagroum • bitterballe • bamie hapjes • vlammetjes • paella
• tapaz • griemaelpap en gäele pudding.
Programma:
17.00 oor Verzaamele väör de kirktrappe
17.11 oor Äöpening vanne Boerebroelof door Vorst Kwiebus LVXII dae ’t broedspaar in ’t ónecht zal verbinje.Teves vindj hie de
oetreiking van de broedsjat plaats.
17.49 oor Vertrek, via de Boeresteeg nao de Haammaeker .
18.00 oor Aankomst bie de Haammaeker met óntvangstserenade door de
Jachthoornblaozers.
18.11 oor Opstèlle en gereid maake van ‘t boerebroedspaar en femielie
väör de resepsie en ‘t in óntvangst neeme van de boerekost.
Deze kost waerdj den auch weer drek meister gemaakt.
19.29 oor Alles waerdj in gereidheid gebrach väör de kirkelikke inzaegening
van ’t Broedspaar door de Busjop Eefanius (orde van
lempemenkes) en Kaplaon Haremius Lankman.
Aansloetendj kieke
of ‘t broedspaar ‘t gooje gewicht haet.
Ze gaon oppe baskuul en degene dae
’t gooje gewicht geraoje haet kriegt en manj booregerei.
20.29 oor Aaflaup offisjeel gedeildje met daonao fieëste met gooje
broelofsmuziek door DJ Boenga angere optraejes
24.00 oor Sloeting en samen nao ‘t Kwiebus verbranje.
Voor de slager van de "Boerebroelof" , klik op de link.
Op 31 januari 2012 is de tekst en een mp3 bestand binnen gekomen:
" EIN AOJE BOERDERIE"
Ein aoj boerderiej, dao bön ich mit content 2x
Oet ut niks
opins, kwooms dich op miene waeg mmmhm
Werde verleefd, zoe onbezorgd, zoe fijn, mer os beurs bleef laeg
Al is ut soms, hiej en dao get donker, det meuktj toch niks oet op zich
Want ich gaon
blind vaor dich en dich� blindj
vaor mich
Refrein:
Ein aoj
boerderiej, dao bön ich mit content
Haaj ein villa
gewiltj, mer hub geine roeje cent
Väör dich
doon ich alles, alles zit ich opziej
Want wae höbbe
elkaar en ein aoje boerderie
Soms wille wae
dr oet: mer is os beurs te krap (Koen)
mmmhm
Mer dao
verzinne wae den snel get op, den gaon wae neet op stap
We hubbe gaar
niks nuedig es ein kretje beer en ein fles rosé
Den waerdj os
aoje boerderiej, ein sjoean kefee
Refrein2x:
Ein aoj
boerderiej, dao bön ich mit content
Haaj ein villa
gewiltj, mer hub geine roeje cent
Väör dich
doon ich alles, alles zit ich opziej
Want wae höbbe elkaar en ein aoje boerderie 2x
En "hier"
de link naar de mp3.
XXXXXXXXXXXXXXXXXXXXXXXXXXXXXXXXXXX